Lurralde-antolamendua gizarte bateko gizarte-, kultura, ingurugiro- eta ekonomia-politikak eremu geografikoan proiektatzean datza. Hori dela eta, antolamendurako tresnak nahitaezkoak dira lurralde baten etorkizunerako.
Lurralde-antolamenduak kontuan hartzen ditu prozesu sozial eta ekonomikoen dinamika gidatzen duten faktore eta joerak, lurralde-ikuspuntutik lortu nahi diren helburuetara egokitzeko, gizarte eta espazio jakin baten ezaugarri propioetan oinarrituta. Hori guztia aintzat hartuta, jakina da erabakiak hartzera bultzatzen duten ildoak eta horiek sortzeko eta ondorioak ebaluatzeko moduak oinarrian eduki behar dutela prozesu horien interpretazio egokiaren eta eragin sozioespazialen kalitatearen arteko koherentzia. Horregatik guztiagatik, herritarren parte-hartzeak eta gardentasunak garrantzi berezia dute lurralde-antolamenduaren arloan.
Hona hemen Amorebieta-Etxanori eragiten dioten lurralde-antolamenduko dokumentu nagusietarako lotura.
LINKS
Amorebieta-Etxanoko arau subsidiaroak
Euskal Autonomia Erkidegoko Lurraldearen Antolamendurako Gidalerroak Berrikueteko Prozedura (2015)
Jendea gero eta gehiago kezkatzen da bizi-baldintzez oro har eta ingurumen-kalitateaz bereziki. Hori dela eta, bereziki garrantzitsua da herritarrek ingurumen-kalitateari buruzko informazioa era gardenean eskuratu ahal izatea.
Eusko Jaurlaritzak, hain justu, Airearen Kalitatea Kontrolatzeko Sarea dauka. Horren bidez, Euskal Autonomia Erkidegoko kutsadura-mailak kontrolatu eta zaindu daitezke, eta, gainera, autonomia-erkidegoek beren lurraldean airearen kalitatea neurtzeko daukaten betebeharrari erantzuten zaio. Sare horrek analizagailuak eta sentsoreak ditu, eta horiek araudiak aire-kalitateari dagokionez ezartzen dituen kutsatzaileak neurtzen dituzte; batez ere, sufre dioxidoa (SO2), nitrogeno oxidoak (NO eta NO2), ozono troposferikoa, karbono monoxidoa (CO), bentzenoa eta partikula esekiak (PM10 eta PM2.5). Horrez gain, beste parametro batzuk ere neurtzen dira, besteak beste: airearen abiadura eta norabidea, tenperatura, hezetasun erlatiboa, presioa, erradiazioa eta prezipitazioa. Airearen Kalitatea Kontrolatzeko Sareak Euskal Herri osoan dauzka ikerlekuak; gaur egun, 50 ikerleku inguru daude.
DOKUMENTUAK
Eustat - Airearen kalitatea euskal udalerrietan 2005-2013
Herri-lanen exekuzio-proiektuek luze iraun ohi dute, eta, horren eraginez, ezohiko egoerak gertatzen dira; hori dela eta, atzerapenak eta/edo aurrekontu-aldaketak izaten dira.
Hona hemen Amorebieta-Etxanoko Udalak eginiko obra publiko aipagarrienari buruzko informazioa. Obra publiko hori exekuzio-egoeran dago edo orain gutxi amaitu da, eta erreferentzia egiten zaio hasieran planifikatutako baldintzak mantentzeari edo aldatzeari.
DOKUMENTUAK
2015eko herri lanak (pdf)