Logikoki, Tokiko Ekintza Plan horrek herri bakoitzean antzemandako hobekuntza beharrizanei erantzuten die, beraz, planifikazio ororen aurretik egoeraren diagnosia egiten da beti. Horrela, Tokiko Ekintza Planek lehentasunezko bezala identifikatutako helburu zehatzei erantzuten die eta horiek lortzeko aurreikusitako ekintzak biltzen ditu. Jarritako helburuak, Ekintza Planaren diseinua egiterakoan definituko diren adierazleen bitartez neurgarriak eta balioztagarriak izan beharko dira.

Beraz , funtsezkoa da udaleko sail guztiek elkarrekin lan egin eta planifikatzea, irizpide komunetan oinarrituz. Horren araberakoa izango da diseinatutako planaren eraginkortasuna. Gainera, ekintza planak guztiz eraginkorrak izan daitezen, aldizka berrikusi behar dira: herri batek, aurrez ezarritako helburuak betetzen doan heinean eta gizarte eta ingurumen testuinguruek eboluzionatzen duten bitartean, Tokiko Agenda 21eko ekintzek horiekin eboluzionatu behar dute.

Era berean, Tokiko Agenda 21aren ezarpen prozesuaren analisi sakona egitea funtsezkoa da, horren kalitate orokorraren hobekuntza etengabean aurrera egiteko.

Analisi horri esker, udalerriak, Tokiko Agenda 21aren ezarpenean hobeto egiten duena zer den eta berau eraginkorra izan dadin hobetu beharrekoa zer den jakin ahalko du.

Tokiko Agenda 21eko ezaugarriak

• Iraunkorra: aurrerapen ekonomikoa, gizarte berdintasuna eta ingurumenaren zaintza uztartzera bideratzeko.
• Estrategikoa: lortu nahi den udalerriaren eredua.
• Eraginkorra: Tokiko Agenda 21 udal kudeaketarako erreminta erabilgarria den ala ez.
• Transbertsala: Tokiko Agenda 21ak udal eremu desberdinetan duen integrazio eta eragina.
• Partizipatiboa: herritarren eta agente sozial eta ekonomikoen iritzien eta proposamenen integrazioa Tokiko Ekintza Planetan.

Aurrekariak
Orain dela urte batzuk, Amorebieta-Etxanoko Udalak Jasangarritasunerako I. Diagnostikoa eta I. Ekinza Plana burutu egin zituen.

Ekintza Plana osatzen zuten:

• 7 Ildo estrategiko (funtsezko helburuak).
• 18 programa (helburu espezifikoak).
• 76 ekintza (Programaren helburua betetzeko gauzatu beharreko ekintza edo proiektu zehatzak)

Gaur egun
Tokiko Ekintza Plana ezartzen hasi eta handik urte batzuetara berrikusi egin behar da plan hori, udalerriko beharrek eta baliabideek izandako bilakaerara egokitzeko. Horretarako, Udalak beste plan baten berrikuspena martxan jarri du.

Programak bi eremu lantzen du: eskola bera eta udalerria. Modu horretan, eskolaren eta herriaren arteko erlazioa indartu eta aberasten da.

Ikasturtean zehar, eskolek programa garatzen dute euren ikastetxeetan baina horretaz gain, Eskolako Agenda 21 programa osatzen duten ikastetxe guztien ikasleen ordezkari batzuek antolatzen diren ekintzetan parte hartzen dute.

Eskolako Agenda 21 Amorebieta-Etxanon

Eskolako Agenda 21 Amorebieta-Etxanon 

Amorebieta-Etxanon, Eskolako Agenda 21 2006/2007 ikasturtean martxan jarri zen. Hasieratik, Udalak programa bultzatu eta koordinatu du.

• Uneko ikasturteko partehartzaileak eta gaiak

Uneko ikasturte honetan, 2016/2017, 7 dira Eskolako Agenda 21ean parte hartzen duten ikastetxeak. Ikasturte honetan, Klima Aldaketa landuko dute

Parte hartzen duten ikastetxeak hurrengo hauek dira:

• Landutako gai eta parte hartu dituzten ikastetxeen historikoa

Jarraian aurkeztu den taulan, azken ikasturte hauetan zehar parte hartu duten ikastetxeak eta landutako gaia ikus daiteke.

• Konpromisoak eta proposamenak

Aurreko ikasturtean, udalerria eta eskola aztertu ondoren, Amorebieta-Etxanoko ikasleek hurrengo konpromiso hauek hartu zituzten:

1. Zebrabideetan txikiei alboetara begiratzen irakatsiko diegu.
2. Garraio publikoa erabiliko dugu eta herriko jendea erabiltzen bultzatuko dugu kutsadura murrizteko
3. Bizikleta eta patinetearen erabilera areagotuko dugu. Horretarako, bidegorria gehiago erabiliko dugu.
4. Laguntza behar duten pertsonak lagunduko ditugu.
5. Arazoak ikusten baditugu herritik zehar, Udalari esango diogu, arazoa ekidin dezaten.
6. Bidai laburretan bizikleta edo beste garraiobide jasangarri erabiliko dugu.

Eta udalerriko kalitatea hobetzeko, Udalari hurrengo proposamen hauek ere egin zizkioten:

1. Bide disziplina zorrotz kontrolatzea, oinezkoen segurtasuna bermatzeko.
2. Ikastetxeetarako bideetan espaloiak zabaltzea eta zoladura txukuntzea.
3. Ikastetxe ingurunetako guneak egokitzea, oinezkoen mesedetarako.
4. Ikusmen-desgaitasun bat duten pertsonentzako zebrabide dagoela adierazten duen material aldaketa jartzea zoladuran.
5. Bide segurtasuna bermatzeko, gidarien eta oinezkoen ikusmena oztopatzen duten elementuak kentzea.
6. Ikastetxeetara bizikletaz edo patinetez joan ahal izateko bidegorri gehiago jartzea, beren artean lotura ona izango dutenak eta txukun egongo direnak.
7. Trafikoaren ondorioz zaratak sortzen dituen eragozpenak ahal den neurrian ekiditzea.

• Ekintzak:

• Ibilbideak

Hobetzeko proposamenak egin ahal izateko, ikastetxeek euren ikastetxeetako diagnostikoa eta udalerrikoa ere egin behar dute.

Horretarako, diagnostikoak aurrera eraman ahal izateko, Udalak eskoleei dokumentazioa eta laguntza ematen dizkie. Adibidez, ingurutik egiten diren ibilbide diddaktikoen diseinua. Hauek, udalerriko egoera aztertzeko eta hausnartzeko aukera ematen dute hobetzeko proposamenak egiteko.

• Jardunaldia Teknikoa

Jardunaldi Teknikoa ikasleei zuzendutako hitzaldia da eta ikasturtean zehar landuko duen gaiarekin erlazionatuta dagoena.

• Eskolako eta Udal Foroa

Eskolako Foroaren helburuak, sinergiak ezartzea, zalantzak argitzea eta guztiontzat interesa daukaten gaiak adostea dira. Bestalde, helburua nagusia da Alkatetzarekin egingo den Udal Foroa prestatzea.

Foro honetan, ikastetxean eta udalerrian ere aurrera eramateko hobetzeko ekintzak proposatzen dira. Aztertu ondoren eta parte hartzeko dinamika batzuk erabiltzen, interesgarriagoak gertatzen direnei lehentasuna ematen zaie.

Jarraian, ikasleak, Alkate eta udal ordezkariekin biltzen dira Osoko bilkuren aretoan. Bilera honetan, ikasleek ikasturtean zehar egindako lana azaltzen dute eta denon artean adostutako konpromisoak eta proposamenak aipatzen dituzte.

Bestalde, hilabetero, programaren koordinatzaileak biltzen dira, esperientziak, zalantzak eta kezkak konpartitzeko eta modu honetan, eskolen arteko kooperazioa bultzatzen da.

Ikasturtearen amaieran, Alkatea eta Ingurumen Zinegotzia ikasleekin biltzen dira Eskolako Udal Foro batean. Bilera honetara, ikastetxe guztien ordezkariek ikasturtean zehar egindako lana aurkezten dute. Era berean, ingurumenaren kalitatea hobetzeko hartzen dituzten konpromisoak eta gaiaren inguruan Udalari egiten dizkioten proposamenak udal kudeaketa hobetzeko azaltzen dituzte.