Idazkaritza

Idazkaritza Sailak herritarrei, lurraldeari eta erakundeari zuzendutako hainbat zerbitzu ematen ditu. Arlo desberdinetako gaiak bideratzen ditu, eta bere funtzio nagusien artean honako hauek nabarmendu behar dira:

• Osoko Bilkuren eta Tokiko Gobernu Batzordearen aktak egitea eta Alkatetzara joatea, dagozkion deialdiak egiteko.
• Alkateari, Udalbatzari eta Tokiko Gobernu Batzarrari lege-aholkularitza ematea.
• Fede publikoa Osoko Bilkurei eta Batzordeen Bilkurei eta egintzei buruz.
• Udal egintza eta erabakien ziurtagiriak ematea.
• Iragarkiak eta eginbideak udaletxeko ediktuen taulan jartzea.
• Udal-erroldaren kudeaketa
• Hauteskunde-errolda eta hauteskundeak.
• Udal artxiboa.

Herritarrei Arreta Zerbitzuaren helburua da herritarrek Udaletik jasotzen duten zerbitzua hobetzea.

Herritarrei arreta ematen zaien lekua da, edozein dela ere egingo duen kudeaketa eta; arreta ematen da, bereziki, epe jakin batean jende asko biltzen den kanpainetan.

Helburua da, herritarrak hainbat udal-bulegotan ez ibiltzea eta zerbitzuak zornotzarrei gehiago hurbiltzea, administrazio-izapideak azkar, eraginkortasunez, gardentasunez eta erraz egiteko.

Aurretiko hitzordua erreserbatu

Giza Baliabideen Sailaren (edo Unitatearen) helburua da udaleko lanpostuen zerrenda eta plantilla osatzen duten funtzionarioak eta lan-kontratuko langileak kudeatzea, toki-administrazioaren esparru juridikoan eta antolaketa-esparruan, zornotzarrei eskaintzen zaien zerbitzu publikoaren eraginkortasuna eta efizientzia ahalbidetuz.

Honako eginkizun hauetaz arduratzen dira, besteak beste:

• Langileen kudeaketa.
• Lan-harremanak: langileen ordezkariekin negoziatzea; udal-zerbitzuen lan-egutegia egitea; lanaldiak, ordutegiak eta txandak diseinatzea eta kontrolatzea; baimenak, lizentziak, oporrak eta familia eta lana bateragarri egitea.
• Langileak hautatzea: Udaleko plantilla eta lanpostuen zerrenda egitea, eguneratzea eta mantentzea; lan-eskaintza publikoak egitea; funtzionarioak eta/edo lan-kontratuko langileak Udalean sartzeko hautaketa-prozesuak antolatzea eta gauzatzea edo lan-poltsak sortzea.
• Langileen eta funtzio publikoaren arloko aholkularitza juridikoa.