Gardentasun ataria
Amorebieta-Etxano 1951. urteaz geroztik da udalerri. Eustaten datuen arabera, 2014an 18.216 biztanle zituen: 8.887 gizon eta 9.329 emakume.
Udaletxea helbide honetan dago: Herriko plaza, zk.g. Hauek dira harremanetarako datu nagusiak:
Telefono-zenbakia: 94 630 00 02
Kontaktua: “Idatzi udaletxera”
Hau da Amorebieta-Etxanoko Udalaren funtzionamenduan aplikatu beharreko oinarrizko araudi garrantzitsuena:
- 7/85 Legea, apirilaren 2koa, Toki Araubidearen Oinarriei buruzkoa. Toki-administrazioen antolamenduari eta funtzionamenduari buruzko oinarrizko legea da Estatuan. Udalerrien, probintzien eta beste toki-erakunde batzuen antolamendu- eta funtzionamendu-araudiaren oinarriak arautzen ditu.
- Amorebieta-Etxanoko Udalaren Araudi Organikoa. Amorebieta-Etxanoko Udalaren antolamendua bera arautzen du, eta organo propioak, derrigorrezko oinarrizko organoen berezitasunak eta beste egokitzapen batzuk ezartzen ditu, udal-antolamendua Amorebieta-Etxanoko herritarren premietara egokitzeko.
- 2568/1986 Errege Dekretua, azaroaren 28koa, Toki Erakundeen Antolamenduari, Funtzionamenduari eta Araubide Juridikoari buruzko Araudia onartzen duena. Amorebieta-Etxanoko Udalaren Araudi Organikoan jasota ez dauden kontuetarako arauak biltzen ditu.
DOKUMENTUAK
7/85 Legea, apirilaren 2koa, Tokiko Araubidearen Oinarriak araupetzen dituena
Amorebieta-Etxanoko Udala Araudi organikoa
2568 / 1986 Errege Dekretua, azaroaren 28koa, Toki Erakundeen buruzko Araudia onartzen duena
Udala legegintzako eskumenak zein eskumen betearazleak dituen erakundea da.
Gobernu-organo nagusiak hauek dira: Udalbatza (4 urterik behin udal-hauteskundeetan sufragio unibertsal zuzenaren eta isilekoaren bidez hautatutako 17 zinegotziek osatzen dute; bestalde, Udalbatzak hautatzen du alkatea), Tokiko Gobernu Batzordea (organo betearazlea da, Udalbatzak edo alkateak eskuordetuta jarduten duena; alkateak eta zinegotziek hautatzen dituzte batzordekideak zinegotzien artean). Udal Araudi Organikoak arautzen ditu organo horiek, informazio-batzordeak eta kide askoko organoak (II. titulua: organoak eta haien funtzionamendua).
Udalaren webguneko Politika-antolakuntza atalean gobernu-organoei buruzko informazio gehiago dago, bai eta organoak osatzen dituzten pertsonen zerrenda ere.
ESTEKAK
Zamudioko Udalak udal-zerbitzuak eskaintzen dizkie herritarrei, Udalaren barruko langileen bidez eta lotutako kanpoko erakunde batean parte hartuz: Ametx erakunde autonomoan, hain zuzen ere. Ametx erakunde autonomoak Euskara, Kultura eta Kirola sustatzen ditu, bere estatutuetako 1. artikuluan xedatutakoaren arabera.
Estatutuen 5. artikuluan zehazturiko helburuak betetzeko, honako hauek egiten ditu, besteak beste: udaleko kirol- eta kultura-instalazioak kudeatu, sustapenerako, garapenerako eta koordinaziorako finantzazioa bilatu, eta kultura- eta kirol-jarduera eskuragarri egin.
Gainera, Amorebieta-Etxanoko Udala hainbat elkartetako eta saretako kide da. Elkarte eta sare horien helburua da sinergiak aprobetxatzea eta esperientziak trukatzea.
DOKUMENTUAK
Amorebieta-Etxanoko Udalak parte hartzen duen erakundean zerrenda
Amorebieta-Etxanoko Udalak parte hartzen duen elkarte eta sareen zerrenda
Amorebieta-Etxanoko ordezkari dira herritarrek udal-hauteskundeetan hautatutako alkate jauna edo andrea eta zinegotzi jaun-andreak.
Eranskinetan ematen da pertsona horiei buruzko informazioa; besteak beste, jasotzen dituzten ordainsariei buruzkoa.
DOKUMENTUAK
Udalean ordezkariak dituzten talde politikoak
Amorebieta-Etxanoko Udaleko zinegotzi jaun-andreen banaketa, sexuaren arabera
Ordezkaritza politikoko kargudunek jasotako ordainsariak 2014(e)ko ekitaldian
Enplegu Publikoaren Oinarrizko Estatutuari buruzko urriaren 30eko 5/2015 Legegintzako Errege Dekretuarekin bat eginez, langile publikoak honela sailkatzen dira:
- Karrerako funtzionarioak.
- Bitarteko funtzionarioak.
- Langileak (kontratu finkoak, mugagabeak edo aldi baterakoak).
- Behin-behineko langileak.
Behin-behineko langileak izendatu egiten dira, eta ez dute modu iraunkorrean jarduten. Konfiantzazko funtzio izendatutako funtzioak edo aholkularitza berezia egin eta ematen dituzte. Helburu horietarako emandako aurrekontuen arabera ordaintzen zaie.
Estatutu hau garatu ahala xedatzen diren funtzio publikoaren legeek zehazten dute herri-administrazioetako zein gobernu-organok izan ditzaketen horrelako langileak. Gehieneko kopurua dagokion gobernu-organoak ezartzen du. Kopuru hori eta ordaintzeko baldintzak publikoak dira, eta izendapenak eta kargu-uzteak, berriz, libreak. Agintariak bere kargua uzten duenean, haren mendeko konfiantzazko postuetan daudenek ere kargua utziko dute.
2015-2019ko legealdian, Amorebieta-Etxanoko Udalean konfiantzazko bi postu daude: Gizarte Ongizateko Zerbitzuetako burua eta Herritarren Harremanetarako idazkaria.
Beste edozein erakunde publikok edo pribatuk bezala, Amorebieta-Etxanoko Udalak bere funtzionamendua antolatu behar du, kudeaketa eraginkorra eta efizientea izan dadin, herritarren beharrizanei erantzuteko eta udalerria garatzeko.
Lanpostuen zerrenda tresna teknikoa da: horren bidez antolatzen dira langileak, zerbitzuetako beharrizanen arabera. Bertan zehazten dira lanpostu bakoitzeko funtzioetarako bete beharreko baldintzak.
Udaleko eta Udalaren mendeko erakundeetako lan-eskaintza, hautaketa eta kontratazioa indarrean den araudiak eskatutakoari jarraikiz egiten da, eta horretarako ezarritako bideak erabilita argitaratzen da: iragarkien taula, Udalaren webgunea eta Bizkaiko Aldizkari Ofiziala.
Amorebieta-Etxanoko Udaleko lan-harremanak arautzeko tresnak hauek dira: Euskal Funtzio Publikoari buruzko uztailaren 6ko 6/1989 Legea; Langile Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretua; Amorebieta-Etxanoko Udaleko funtzionarioen eta haren organismo autonomoen lan-baldintzak arautzen dituen akordioa; eta Amorebieta-Etxanoko Udaleko langileen eta haren organismo autonomoen lan-baldintzei buruzko hitzarmen kolektiboa.
DOKUMENTUAK
Udaleko 2023ko lanpostuen zerrenda
Udaleko 2023ko aurrekontuko plantilla
Udaleko langileak sexuaren arabera banatzea 2015 01 01ean
6_1989 legea uztailaren 6koa Euskal Funtzio Publikoari buruzkoa