Agenda 2030

Etxeetan eta herriko komertzioetan sortutako hondakin ez arriskutsuek osatzen dituzte hiri hondakinak. Hiri hondakinak honako frakzioetan sailkatu behar dira, eta adierazitako modu, toki eta orduan atera behar dira.

Gaur egun Amorebieta-Etxanon hondakinak biltzeko zerbitzu hauek ditugu:

• Papera eta kartoia: Papera eta kartoia, tolestuta, edukiontzi URDINAren barruan utziko dira
• Beira: Edukiontzi BERDEetan beira bakarrik utziko da eta tapoiak eta antzekoak kendu egin beharko dira. Ez dira utzi behar; ispiluak, beira-xaflak, bonbillak edota lanpara fluoreszenteak, hondakin hauek Garbigunera eramango dira
• Ontziak: Edukiontzi HORIAn ondokoak utziko dira: plastikoak, tetrabrik-ak, latak, tapa metalikoak, plastikozko poltsak eta botilak, poliespanezko erretiluak, espraiak, etab.
• Organikoa: Prestatu gabeko landare-hondakinak poltsa konpostagarrietan sartuko dira, edukiontzi MARROIETAN. Horretarako erabiltzaileek Zelaieta Zentroan “Ametx Txartela” aktibatu edo lortu beharko dute edukiontzia irekitzeko. Zelaieta Zentroan10 litroko ontzia eta poltsa konpostagarriak emango dira erabiltzaile berriendako. Poltsa konpostagarriak Zelaieta Zentroan eta Udaletxeko HAZean emango dira, poltsak bukatu arte
• Gainontzekoak: Birziklatu ezin daitezkeen hondakinak, poltsa itxietan, edukiontzi grisetan utziko dira
• Pilak: Merkurioa, kadmioa eta beruna bezalako substantzia kimikoak dituzte eta denak kaltegarriak osasun eta ingurumenarentzat. Beraz, hauentzat prestatutako edukiontzietan utziko dira

Ondoko lekuetan utz daitezke:
Udaltzaingoa
Txiki Otaegi 2
Euba auzoa
San Juan 1
San Pedro 31
Harrison 3
Sabino Arana 42
Nafarroa (Nafarroa zentroaren aurrean)
Kaitana Plaza

• Olioa: Likidorik kutsakorrenetariko bat da eta litro bakarrarekin mila litro ur kutsatu daitezke. Zerbitzu honekin etxean erabili den olioa jaso nahi da, biodiesel erregaia lortzeko tratamendu baten ondoren. Beraz, lehenengo olioarentzat bereziki prestaturiko ontzi berezietan sartuko da eta ondoren kaleko edukiontzietan utziko dira

Ondoko lekuetan utz daitezke:
San Pedro 16
San Miguel (osasun zentroaren aurrean)
Ogenbarrena 1
Jauregibarria 5
Jauregizahar 1
Zubipunte 20
Larrea auzoa (15.zenbakiaren aurrean)
San Juan 20
Zubizabala auzoa
Euba auzoa

• Arropa: Udalak 6 edukiontzi ZURI jarri ditu arropak, oinetakoak, eta etxeko osagarri txikiak batzeko ( liburuak, oheko arropa, tresna txikiak, jostailuak, etab.)

Ondoko lekuetan utz daitezke:
San Pedro 16
San Miguel (osasun zentroaren aurrean)
Ogenbarrena 1
Jauregibarria 5
Jauregizahar 1
Zubipunte 20

• Altzariak eta tresnak: Altzariak eta etxeko gauzak biltzeko zerbitzua astearte goizetan izango da jaiegunetan izan ezik, halakoetan jaieguna ez den hurrengo egunean izango delarik

Aipatutakoak bezperan, ASTELEHENEAN, 20:00etatik aurrera, edukiontzien alboan utzi beharko dira, hauetan finkatu gabe.
Auzoetan berriz, altzariak jasotzeko, aldez aurretik Cespara deitu beharko da bilketa eguna zehazteko: 944 355 750.

Garbigunea
Amorebieta-Etxanoko Garbigunea:
Kokapena: Zelaieta auzoa (Condor Poligonora doan bidea)
Ordutegia:
Astelehenetik ostiralera: 9:00-13:30 / 15:30-18:00
Larunbata: 09:00-13:30
Telefonoa: 94 673 44 50
Organikoa: Landare eta animalia hondakin kozinatuak edo gordinak poltsa konpostagarrietan sartuko dira, edukiontzi MARROIETAN. Horretarako erabiltzaileek HAZan izena eman beharko dute eta birziklatzeko KITa emango zaie: 10 litroko ontzia, poltsa konpostagarriak eta edukiontzirako giltza

Udalak poltsa konpostagarriak emango ditu, poltsak bukatu arte

• San Pedro 16
• San Miguel (osasun zentroaren aurrean)
• Ogenbarrena 1
• Jauregibarria 5
• Jauregizahar 1
• Zubipunte 20
• Larrea auzoa (15.zenbakiaren aurrean)
• San Juan 20
• Zubizabala auzoa
• Euba auzoa

Zer Tokiko Agenda 21?
Tokiko Agenda 21a udal kudeaketako sail guztietan jasangarritasun irizpideak barneratzea ahalbidetzen duen udalerriaren egiturazko plana da. Helburu horrekin, herritarren bizi kalitatea hobetzeko xedea duten ingurumen, ekonomia eta gizarte politikak batzen ditu hau baldintzatzen duten faktore desberdinetan eraginez (osasuna, ingurumena, hirigintza, zerbitzuak, mugikortasuna, etab.)

Bere zeharkako nolakotasuna dela eta, Tokiko Agenda 21ak udaleko sail guztiak hartzen ditu bere baitan, horietan eraginez eta guztietan garapen jasangarriarekin lotutako irizpideak barneratuz. Horrela, Tokiko Agenda21ak, herriak bere eremu guztietan kohesio handiagoarekin funtzionatzea ahalbidetzen du, herritarrei eskaintzen zaizkien zerbitzuak hobetzera bideraturik; gainera herria eraginkorragoa izatea eta bere jarduera guztietan baliabide eta esfortzu guztiak errentagarri bihurtzea ahalbidetzen du

Nola ezartzen eta kudeatzen da?
Tokiko Agenda 21aren ezarpena Tokiko Ekintza Planen bitartez egiten da. Horien bidez, posible da herritarrekin izandako foroetan adostutako erabakiak praktikan jartzea.

Hala ere, Tokiko Agenda 21a, batez ere, herritarren parte hartze eta komunikaziorako erreminta da: herritarrek, beraien herriko kudeaketarako garrantzitsuak diren gai eta erabakietan iritzia emateko eta ekarpenak egiteko foro irekia da. Beraz, kudeaketa garden eta bidezkoagoa lortzera bideratua dagoen espazioa da.

Tokiko Agenda 21a Amorebieta-Etxanon

Zer da Eskola Agenda 2030?

Eskola Agenda 2030 ikastetxearen iraunkortasunerako eta kalitaterako hezkuntza-programa bat da. Komunitatearen parte-hartzean oinarritzen da, eta udalerriaren garapen iraunkorrean esku hartzen eta laguntzen du.

Programak eskola-eremua eta udal-eremua hartzen ditu. Horrela, eskolaren eta tokiko eremuaren arteko harremana indartu eta aberastu egiten da.

Ikasturtean zehar, eskolek beren ikastetxeetan garatzen dute programa, baina, horrez gain, hainbat jarduera antolatzen dira, Eskola Agenda 2030-ren parte diren ikastetxe guztietako ikasleen ordezkariek parte har dezaten.

Bestalde, bi hilean behin, ikastetxeetako programaren koordinatzaileak bildu egiten dira esperientziak, zalantzak, kezkak... partekatzeko eta, horrela, eskolen arteko lankidetza sustatzeko.

Eskola-agendaren prozesuak 2 ikasturte irauten du. Lehenengo fasean, ikastetxeek udal-egoeraren diagnostiko bat egiten dute, hautatutako GJH-an zentratuta, bai eta ikastetxearen beste diagnostiko bat ere. Udalaren laguntzarekin eta asistentzia teknikoarekin, helburu komunak ezartzea lortzen da.

Ikasturte hasieran, eskola-arteko foro bat egiten da, eta, bertan, ikastetxeek eta udalak lortu beharreko helburuak bateratzen dira, bide komun bat eramateko.

Programa-koordinatzailekin, udalarekin eta asistentzia teknikoarekin egindako bilerekin batera, Eskola arteko foro bat egiten da ikasturte amaieran, udal-foroaren aurretik. Bertan, ikastetxeek lortutako helburuak eta egindako ekintza guztiak laburbiltzen dituzte.

Ikasturte amaieran, Udal Foroa egiten da, Alkatetza taldeak eta Ingurumen Zinegotzigoa bertan direlarik. Bilera horretara ikastetxe bakoitzeko ikasle ordezkariak joaten dira, eta horiek ikasturtean zehar egindako lan guztia aurkezten dute. Era berean, ingurumenaren kalitatea hobetzeko hartzen dituzten konpromisoak azaltzen dituzte, baita Udalari lan-gaiari dagokionez hobetzeko proposamenak egiten dizkiote.