Amorebieta-Etxanoko Udalak, Bizkaiko Foru Aldundiarekin lankidetzan, ur iturri berri bat jarri du bizipistan, zehazki Lauaxeta Ikastolaren parean.
Iturri horretaz gain, bizipistak beste bi iturri eta hainbat zakarrontzi ditu ibilbidean zehar, erabiltzaileei hidratazio-puntuak eskaintzeko eta eremua garbi mantentzeko.
Amorebieta-Etxanoko Udalak, Bizkaiko Foru Aldundiarekin lankidetzan, ur iturri berri bat jarri du bizipistan, zehazki Lauaxeta Ikastolaren parean. Ekimen hau azpiegitura publikoak hobetzeko planaren barruan kokatzen da, zerbitzu hobea eskaintzeko eta bizipistako erabiltzaileen ongizatea bermatzeko asmoz.
Iturri berri honetaz gain, bizipistak beste bi iturri eta hainbat paperontzi ere baditu ibilbidean zehar, erabiltzaileei hidratatzeko puntuak eskaintzeko eta bidea garbi mantentzeko. Hala, esku-hartze honen bitartez, erantzuna eman zaio bizipistako erabiltzaileen eskaerari eta era berean, bidegorriaren zerbitzu-sarea osatzen dute eta erabiltzaile guztiei erosotasun handiagoa eskaintzen diete.
Ekimen honen helburu nagusia da, beraz, bizipistaren erabilera-baldintzak hobetzea, ohitura osasungarriak sustatuz eta ingurune jasangarriago bat bultzatuz.
Herritarrekiko konpromisoa berretsiz
Amorebieta-Etxanoko Udalak herriko azpiegiturak hobetzeko konpromisoa berretsi du beste behin eta bide horretan ezinbestekotzat jotzen du, kasu honetan bezala, herritarrei ahotsa ematea, zornotzarren beharrei erantzuteko ekimenak garatzeko.