Zornotzarrek azaroaren 28an izan zuten Fresnadaren pelikula ikusteko aukera. Orain, filmaren inguruko mahai-inguruan parte hartzeko aukera izango dute zuzendariarekin batera, Zelaieta Zentroan.
Amorebieta-Etxanoko Udalak antolatuta, Iratxe Fresneda zuzendariaren ‘Tetuán’ filma ikasgai izan zen pasa den azaroaren 28an, ‘Zinekluba’ren programazioaren barruan. Zornotzako herritarren esperientzia zinematografikoa aberastu nahi duen ekimena da azken hau, Zornotza Aretoaren ohiko pelikula komertzialen eskaintzatik haratago. ‘Zineklube’ko filmak asteartero ematen dira, 20:15ean, Zornotza Aretoan.
Horrez gain, pelikularen inguruan hitz egin nahi izaten duten herritarrei zuzenduta mahai-ingurua izaten da Zelaieta Zentroan, 18:45etik 19:45era. Kasu honetan, mahai-inguru hori ´Tetuám’ filmeko zuzendaria den Iratxe Fresnadarekin berarekin egiteko aukera izango da. Saio hauek doakoak dira eta ez da aldez aurretik izena eman behar; Gariza Films-ek dinamizatzen ditu, Lara Izagirreren ekoizleak.
Iratxe Fresnedaren ‘Tetuán’ izan da edizio honetako film nabarmenetako bat, azaroaren 28an ikusgai izan zena. Orain, Iratxe Fresneda zuzendariak bere lana aurkeztuko du abenduaren 12an, trilogiari amaiera emango diona (‘Irrintziaren oihartzuna’ eta ‘Lurralde hontzak’ lanekin batera); road movie egitura baten bidez begirada bakar eta pertsonala eskainiko du. Bertan, Tetuánetik Euskadirainoko bidean, eta bere aitaren pausoei jarraituz, edozein estereotipoetatik urrun dauden lau emigranteren bizipenak tartekatzen ditu.
Zinema zuzendaria izateaz gain, Iratxe Fresneda UPV/EHUko Ikus-entzunezko Komunikazio Saileko irakaslea da 2004tik, eta mundu osoko zinemaldi eta filmoteketan sariak eta errekonozimendua jaso ditu.