Hormigoizko 5 metroko altuera duen hormaren eskinean jarritako zeramikazko eskultura da. Artelan honek, autorearen esanetan, berdinaren eta desberdinaren arteko komunikazio elkartoki gisa planteatzen da. Eskultura osatzen duten bi elementuak 90 gradutako angeluan kokaturik daude. Min luze bat dirudite, eta bertan borobil zuri eta beltzez margoztutako azalkromatiko bat dute. Positiboan eta negatiboan ipinita, beraien inguruan gertatzen denari so daudela dirudi; inguruan gertatzen denaren zaindari. Britainia Handian oso famatuak diren "speekers corner" baten oso antzekoa da.
Brontzezko busto sinple eta apaindura gehiegirik gabekoa da, harrizko prisma baten gainean, non ondorengo inskripzioa irakur baitaiteke:
Aita Santi Onaindia
Karmeldarra
Jaio: 1909-III-24an Amoroton
Hil: 1996-II-11n Gasteizen
Lekaide
Abertzale
Idazle
Olerkari
Euskerazaleak eta Euskerazaintzak
1996-X-19an
Aurpegiaren keinu naturala eta alborantz kokatutako txapel batek ematen dion itxura bitxia ditu ezaugarri. Bere berezko izaera maitekorra, adierazkorra eta umore onekoa izandako bizkaitar euskararen aldeko bultzatzaile sutsuaren irudi bikaina.
Andrés Nagelen eskultura erraldoi hau, Zornotza udalerriaren errotonda baten kokatua dago, hain zuzen ere, Sabino Arana, Karmen, San Migel eta San Pedro kaleak lotzen diren, eta herriaren bidegurutze jatorria eta izaera direnen erdian. Brontzez egindako 9 metroko altuera eta 2,5 tona dituen artelana da. Euskarri gisa, hiru hanka dituen oboide ilun bat. Oboideak zama luze bat du, eta zaldi ilea izango balitz moduan, bertatik nylon harien unama bat erortzen da. Zazpi pintxoz zauritua agertzen da eta grafismo ugari ditu bere sabelaren gainean. Eskultura honen inguruan biraka hasiz gero, Amorebieta izena irakurri genezake. Imajinazioarekin jolasteko proposamena egiten digu autoreak artelan honen bitartez, dinosaurioak eta izaki erraldoiak bizi ziren iraganeko garaietan murgiltzera animatuz.
Pio Lindegaard jazz musikagilearen omenezko instalazio hau bi piezaz osatua dago. Karmen kaleko aterpeko alde bakoitzeko hormetan brontzearen gaineko erliebe bi aurki ditzakegu. Instalazioaren lehenengo zatia musikagile beraren aurpegiaren irudia eta bere biografiaren azalpen txiki baten inskripzioek osatzen dute. Kontrako alboan kokatutako instalazioan berriz, jazz musikan erabiltzen diren musika-tresna ugariren irudiak agertzen dira, eta baita jazz izena bera ere.
II. Gerra Karlistari amaiera eman zion Amorebietako Itunaren edo Amorebietako Akordioa sinatu zen eremua eta mahai zehatza islatu nahi duen artelana. Brontzezko mahai baxu samarra da, brontzezko bi aulkiz eta esekitoki batez inguratua.
Larreako Karmeldarren lekaidetxearen ondoan kokatutako artelan hau, hormigoizko horma baten iltzatua dago. Brontzea erabiliz, Larreako jaunen inguruan zeuden dokumentuetan aurkitutako marrazki edota deskripzioak medio, beraien aurpegien ustezko erreprodukzioak ikus ditzakegu. Jaunen aurpegi irudien alboan, hauen bizitokia izan zen dorretxearen ustezko erliebe-baxu bat ere aurre aurrean izango dugu.
Juanjo Novellaren (1961, Barakaldo) altzairuzko eskultura, 1999an inauguratua eta Amorebieta-Etxanoko XII. Nazioarteko Arte Bienalaren irabazlea.
Angel Calveteren "La ley de la gravedad según Newton" lana Udal Liburutegiaren bigarren solairuan dago, Zelaieta zentroan.
Angel Calvete (Durango, 1958) bizkaitar eskultorea da. Eskultore familia batetik dator. 13 urtez Lurkoi taldeko kide izan zen. Eskulturako lehen saria jaso zuen 1991ko Zornotzarte Euskal Arte Bienalaren IV. Edizioan.
Angel Calveteren "Progresion" lana Harrison parkean aurkitzen da gaur egun.
Angel Calvete (Durango, 1958) bizkaitar eskultorea da. Eskultore familia batetik dator. 13 urtez Lurkoi taldeko kide izan zen. Eskulturako lehen saria jaso zuen 1991ko Zornotzarte Euskal Arte Bienalaren IV. Edizioan.
Javier Santurtunen "Leio" lana, karbono-altzairuzko xafladuna, Boroako ermitaren ondoan dago, balkoi txiki bat bezalakoa den lautada txiki batean, Anboto mendiguneraino zabaltzen den mendi-paisaia ederrari begiratzera gonbidatzen gaituena.
Pieza eskultorikoak paisaia bere hutsuneen artean ikustera gonbidatzen gaitu, leiho bat eginez, bertatik aire zabalean eta zeruertzean irekitzera gonbidatuz.
Bertikaltasunean eta altzairuzko tolesduretan, masa indartsuan eta bao gardenetan oinarritzen da eskultura, ermitaren ondoan "asmatutako plaza" horrek sor ditzakeen sentsazio guztiak biltzen dituen elementua izateko.
Bi elementu soilki lantzen dira espazioari garrantzia emateko: eskultura, bertikala eta angelutsua, eta hormigoizko banku jarraitua, talaia horren mugak arku zabalean marrazten dituena.