Karmen eta Santanatxu Jaiak, uztailaren 15etik 27ra
Amorebieta-Etxanoko jaiak dira Karmen eta Santanatxuak.
Jaiak uztailaren 15ean hasten diran, Karmengo Andra Maria deunaren egunaren bezperan; eta uztailaren 27an amaitzen dira, Santanatxu egunean.
Egun askotako jaiak dira, bi egun nagusiak, Karmen eta Santanatxu, tradizio handiko egunak baitira; hortaz, jaien iraupena hamabi egunekoa izatea adostua dago.
Festa hauek 70. hamarkadaren erdialdean bihurtu ziren Amorebieta-Etxano jai nagusiak. Hein handi batean, koadriletako kideek osatutako Jai Batzordeari esker izan zen hori, hauek izan baitziren jaiei azken bultzada eman zietenak, Udala kontuan izan gabe.
Udal demokratikoak osatu zirenetik, Koadrilen Batzordea eta Udala bera lankidetzan aritu dira jaien antolakuntzan.
Egiten diren jarduera guztien artean, danborrada (helduena zein umeena) eta koadrilen desfilea dira azpimarratzekoak. Santanatxu eguna berezia da zornotzarrentzat, eta herriko biztanleek asko baloratzen dute.
Jaiak iragartzen dituen kartelari dagokionez, azken urteetan lehiaketa bat antolatu da.
Auzo guztietako jaien egutegia
Data | Jaia | Auzoa | Edukiak |
---|---|---|---|
Otsailak 4 | Santa Ageda bezpera | Santa Ageda abesbatzak. | |
Maitzak 2 | Santa Cruz | BizkargiEustoa auzoa | Erromeria hurrengo igandean ospatzen da. |
Maitzak 8 | San Miguel | Bernagoitia auzoa | Boloak, erromeria. |
Maitzak 15 | San Isidro | Garaitondo auzoa | Boloak, erromeria. |
Ekainak 3 | Erkoles auzoa | ||
Ekainak 13 | San Antonio | San Antonio auzoa | Boloak, erromeria. |
Ekainak 23 | San Juan bezpera | Herri osoan | San Joaneko suak. |
Ekainak 24 | San Juan | San Juan de Ergoien, San Juan de Ofrendo, Tantorta auzoa, Zubizabala auzoa | |
Ekainak 29 | San Pedro | Boroa auzoa, Saratsu auzoa | Boloak, erromeria, herri-kirola. |
Uztailak 1.go igandea | Andrandi auzunea | Erromeriak, jokoak, kontzertuak. | |
Uztailak 10 | San Kristobal | Gidarien jaia, Ixer auzoa | Meza eta anaitasun bazkaria. Erromeriak, jokuak eta kontzertuak. |
Uztailak 16 | Karmen | Herriko jaiak | Pilota partiduak, Larrean jaia. |
Uztailak 25 | Santiago | Herriko jaiak | Aitite-amamen jaia. |
Uztailak 26 | Santa Ana | Herriko jaiak | Damborrada. |
Uztailak 27 | Santanatxu | Herriko jaiak | Koadrilen jaia. |
Uztailak 31 | San Ignacio | Belatxikieta | Erromeria. |
Abuztuak 1.go igandea | Berna auzoa | Bertsolariak, erromeria. | |
Abuztuak 10 | San Lorenzo | Montorra auzoa | Asto probak, erromeria. |
Abuztuak 15 | Ama B. Jasokunde | Etxano auzoa | Pilota partiduak, herri-kirola, erromeria. |
Abuztuak 22 | San Vicente | Arkotxa-Bediaga | Erromeria. |