Proiektuaren helburu nagusia da zornotzarren irisgarritasuna eta bizi-kalitatea hobetzea, herriko inguruko berdea auzoetara zabalduz eta bertan bizi direnen oinezkoen mugikortasuna erraztuz.
Obrak bi hilabeteko epean amaitzea aurreikusten da.
Amorebieta-Etxanoko Udalak hasi ditu herriaren erdigunean dauden Zubipunte eta Zubizabala auzoak lotuko dituen oinezkoentzako ibilbide berriaren obrak.
Proiektu honek zornotzarren irisgarritasuna eta bizi-kalitatea hobetzea du helburu eta bat dator Amorebieta-Etxanoko Udalak garapen iraunkorrarekin eta 2030 Agendarekin duen konpromisoarekin. Hala, guztira 101.179,74 euro bideratu ditu Udalak oinezkoen ibilbidea sortzera.
Oinezkoentzako ibilbide berriak herriguneko ingurune berdea auzoetara zabaltzeko aukera eskainiko du, baita bertako oinezko egoiliarren mugikortasuna eta irisgarritasuna hobetu eta erraztea ere, auzoak erdigunearekin lotuz. Gainera, gizarte- eta lurralde-kohesioa ere indartuko ditu, zornotzarren premiekin konprometitutako ikuspegi errealista islatuz eta bizilagunentzat ingurune osasungarriagoa eta erakargarriagoa sustatuz.
Oinezkoentzako bide berria
Proiektuaren bitartez, 2 metroko zabalera duen zoladura bat sortuko da, zabor-hatza artifizialez eta harea silizeoz osatua, eta pasealekuaren egungo altimetriari eutsiko zaio. Hori lortzeko, dagoen azaleratik 15 cm inguru induskatuko dira, eta ondoren, 10 cm inguruko lodiera izango duen zabor-base natural bat jarriko da; azkenik, 5 cm-ko lodiera izango duen harea-geruza bat aplikatuko da.
Horrez gain, egurrez tratatutako bi zintarri ere jarriko dira bide ertzetan zehar. Zintarri horiek bidearen barruko zoladuraren maila berean egongo dira, eta inguruko lurra kanpoaldean izango dute. Ekimen hau bertako harrobietatik datozen material naturalen erabileran oinarrituko da, hala nola legarra eta harea, tratatutako zurezko zintarriekin batera, horiek funtsezkoak izango baitira bideari eusteko eta bidearen gainazalarekin zein alboko lurrarekin berdintzea ziurtatzeko.
Lanak, dagoeneko martxan, bi hilabeteko epean amaitzea aurreikusten da. kimen horrekin, Amorebieta-Etxanoko Udalak berretsi egiten du hiri-azpiegiturak etengabe hobetzeko eta zornotzarren ongizatea bermatzeko konpromisoa.