Argi berriak jarri ditu Sabino Arana kalean eta Enrike Renteria pasealekuan eta maiatzean Larrabarrenako argiteria berritzeko lanei ekingo die.
Hobekuntza horien guztien helburua da udalerriko energia-eraginkortasuna eta jasangarritasuna hobetzea, eta, aldi berean, herritarren eskaerei erantzutea, haien ongizatea eta bizi-kalitatea hobetzeko.
Herriko argiteria publikoa hobetzeko konpromiso eta apustuari helduta, Amorebieta-Etxanoko Udalak hobekuntza berriak egin ditu udalerriko argiztapen-sarean, hain zuzen, Sabino Arana kalean eta Enrike Renteria pasealekuan eta datorren hilean gauza bera egitea aurreikusi du Larrabarrenako eremuan.
Kontsumoa optimizatzeaz haratago, hobekuntza horien guztien helburua da energia-eraginkortasuna hobetzea, baita segurtasuna hobetzea ere, bereziki jende gehien dabilen eremuetan, guztia Udalaren ingurumen-politikekin lerrokatuta, jasangarritasunaren mesedetan. Gainera, hobekuntza horietako batzuek zornotzarrek egindako eskaerei erantzuten diete, haien ongizatea eta bizi-kalitatea ere hobetuz.
LED argiak Sabino Arana eta Enrike Renterian
Sabino Arana kalearen eta Enrike Renteria pasealekuaren hobekuntzen bitartez, gaur egun bi eremu horietan dauden 150 w-ko metalezko halogenurozko luminaria guztiak 60w-ko LED argi berriengatik ordezkatu dira. Aldaketa horrekin, nabarmen murriztu da energia-kontsumoa, bide zein oinezkoentzako guneetako argiztapena hobetu da eta inguruko argi-matxurak murriztea lortu da bi eremuetan.
Sabino Arana kalearen kasuan, hobekuntzak Ibaizabal ibaiaren gaineko zubitik geltokiraino doaz. Udalak, guztira 83.863,29 €-ko inbertsioa egin du bi eremuetako argiztapena hobetzeko.
Maiatzean, hobekuntzak Larrabarrenan
Aipatutako bi eremu horietako argiztapena berritzeaz gain, datorren hilaren erdialdetik aurrera, Amorebieta-Etxanoko Udalak Larrabarrenako argiteria hobetzea ere aurreikusten du. Lanek bi asteko iraupena izango dute eta guzira 150w-ko 23 luminaria 49w-ko potentzia duten LED argiengatik ordezkatuko dira. Amorebieta-Etxanoko Udalak 17.891,63 € bideratuko ditu lan horietara.
Ekintza honekin Larrabarrenako instalazioan energia elektrikoaren kontsumoa murriztuko da eta inguruko argiztapena ere hobetuko da.