Amorebieta-Etxanok eguzki-energiaren sorrera bultzatuko du bi eraikinetan: Larrea eskola publikoan eta Larrea kiroldegian.
Sorkuntza fotovoltaikoko sistemak autokontsumo-modalitatean jardungo du soberakinekin; horri esker, eraikinek sortutako eguzki-energiaz baliatu ahal izango dute beren beharrizan elektrikoetarako, eta soberakinik badago, inguruko argiterietarako erabiliko da.
Lizitazio-prozesua 20 enpresaren parte-hartzearekin amaitu da. Eguzki-plakak instalatzeko guztizko aurrekontua 217,517,06 eurokoa + BEZa da. Lanak 2024aren hasieran hastea espero da.
Amorebieta-Etxanoko Udalak beste urrats bat eman du udal-eraikinetan eguzki-energia sortzeko konpromisoan, energia-faktura murrizteko eta ingurumen-jasangarritasuna sustatzeko neurri gisa. Testuinguru honetan, udal administrazioak aurrera egin du Larrea eskolako bi eraikinetan eta Larrea kiroldegian egingo diren instalazio fotovoltaikoen hiru proiekturen kontratazioan.
Proiektu fotovoltaiko horien helburua eguzki-energiatik elektrizitatea sortzea da, ingurumen-aztarna murrizten eta udal-eraikinen kontsumo elektrikoan aurrezpen ekonomikoa lortzen lagunduz. Instalazioa funtsezko hiru kokapenetan egingo da, eta guztira 190 Kw-eko potentzia nominala eta urteko gehieneko energia potentziala 227,880 Kwh-koa izatea espero da.
- Luis Urrengoetxea eskolak. Potentzia nominala: 30Kw. Sortu beharreko urteko gehieneko energia potentziala: 37,110 Kwh.
- Larrea eskolak. Potentzia nominala: 60 Kw. Sortu beharreko urteko gehieneko energia potentziala: 71,170 Kwh.
- Larrea kiroldegia. Potentzia nominala: 100 Kw. Sortu beharreko urteko gehieneko energia potentziala: 119,600 Kwh.
Sorkuntza fotovoltaikoko sistemak autokontsumo-modalitatean jardungo du soberakinekin; horri esker, eraikinek sortutako eguzki-energia baliatu ahal izango dute beren behar elektrikoetarako, eta, soberakinik badago, sare elektrikoan injektatu ahal izango dute. Ekimen honek tokiko elektrizitate-ekoizpenean eta erkidegoan energia berriztagarriak erabiltzen laguntzen du.
Lizitazioa eta aurrekontua
Lizitazio-prozesuan proiektuak gauzatzeko interesa duten 20 enpresak hartu dute parte. Eguzki-plakak instalatzeko guztizko aurrekontua 263.195 €-koa da. Instalazio-lanak obrak hasi eta hilabeteko epean osatzea aurreikusten da. Lanak 2024aren hasieran hastea espero da.
Amorebieta-Etxanoko Udalak nabarmendu du ekimen hau udalerri berde eta iraunkorrago baterako urratsa dela, energia berriztagarrien erabilera areagotzeko eta kontsumotik gertu dauden puntuetan elektrizitatea sortzen laguntzeko.
