Ekimena azaroaren 25 eta 26an izango da, eta bi egunetako ordutegia honako hau izango da: 11:30etik 14:00etara eta 16:30etik 20:00etara izango da.
Gune orokorra, merkataritza eremua eta gune familiarra egongo dira aukeran. Familia gunean mahaiak erreserbatzeko aukera eskaintzen da: Gazte Informazio Bulegoan edo 946 30 06 49 telefono zenbakira deituz.
Amorebieta-Etxanoko Udalak ‘Jokoan 2023’ ekimena antolatu du asteburu honetarako, azaroaren 25ean eta 26an. Mahai-jokoei eskainitako ekitaldia Zelaieta zentroan dagoen Amorebieta IV pilotalekuan egingo da. Ordutegia, bi egunetan, 11:30etik 14:00etara eta 16:30etik 20:00etara izango da.
‘Jokoan 2023’ ekimenera bertaratzen direnek mahai-joko ugari izango dituzte aukeran, familian edo lagunekin jolasteko aproposak. Gainera, ekitaldiak berrikuntza ugari izango ditu, esperientzia are aberasgarriagoa izan dadin.
Familia-gunean mahaia erreserbatzea
Aurreko urteetan bezala, familia-gunean mahaiak erreserbatzeko aukera emango da. Horretarako, interesa dutenek Gazte Informazio Bulegora jo dezakete edo 946 30 06 49 telefono zenbakira deitu.
Eremu erabilgarriak
- Gune orokorra: 20 mahai-joko, 9 urtetik gorakoentzat eta/edo helduentzat. Sarrera librea da, betiere mahaiak libre badaude. Jolas ugari eskainiko dira.
- Familia-gunea: 4 urtetik gorakoentzako. 24 mahai, betiere heldu batek lagunduta. Eremu horretara sartzeko, aldez aurretik mahaia eta ordua erreserbatu behar dira. Aldez aurretik erreserbatu gabeko mahaiak ekitaldian zehar erreserbatu ahal izango dira. Adin guztietarako egokiak diren jolasak eskainiko dira.
- Merkataritza-gunea: ekitaldian, bertaratzen direnek merkataritza-gune bat ere aurkituko dute, Joker dendak kudeatua. Bertan, ekitaldian probatu dituzten jokoak erosi ahal izango dituzte bertaratutakoek, baita ekitaldiarekin lotutako beste produktu batzuk Gune honetan zozketa bat egingo da igandean, 19:30etan, harrerakogaldetegia bete dutenen artean. Irabazleek hurrengo jokoak irabaziko dituzte: Dixit Disney, Exploding Kittens, Descent eta King of Tokyo.
Amorebieta-Etxanoko Udalak ‘Jokoan 2023’ saioan parte hartzeko gonbitea luzatzen die mahai-jokoak maite dituzten guztiei, eta herrian dibertimenduz eta entretenimenduz betetako bi egunez gozatzera gonbidatzen ditu.