Gauero 10 urtetik gorako gazteentzako gaueko aisialdi programa da. Gazteen interesekoak diren gaien inguruan antolatutako hainbat ekintza desberdin burutzen dira: light diskoteka, gau tematikoak, mahai-jokoak, bideojokoak, eskulanak… Jarduera hauek gazte bakoitzari bere identitate pertsonala eta taldekoa eraikitzeko baliabideak emanez, partehartzea eta sormena bultzatuz, eta bere aktibotasuna indartuz burutzen dira, betiere errespetuan oinarritutako aniztasunarekiko begirada positiboa sortuz.
Parte hartzeko beharrezkoa hiritarren zerbitzuen txartela (Ametx txartela) Gazte Txoko Txartela edo Gazte Karneta bezala aktibatuta izatea. Larunbatero ospatzen da, 20:00-23:00 ordutegian, eta burutzen diren jarduerak doakoak dira.
Hemen duzu Gauero programaren barruan burutzen diren ekintza desberdinak eta egitaraua:
Gauerodisko
Alkohol eta tabakorik gabeko light diskoteka da. DJ bat izaten da musika jartzen gazteek dantza dezaten. Hilean behin, larunbatean ospatzen da, 20:00-23:00 ordutegian. Sarrera doakoa da.
Gauero
Gazteen interesekoak diren gaien inguruan antolatutako gau tematikoak dira. Bertan hainbat ekintza desberdin burutzen dira, eskulanak, lasterketak, talde-frogak… Larunbatero ospatzen da, 20:00-23:00 ordutegian. Sarrera doakoa da.
Jokogunea
Mahai-jolas eta bideojokoetan oinarritutako gaua da. Gazteak elkarrekin jolasteko aukera dute. Hilean behin, larunbatean ospatzen da, 20:00-23:00 ordutegian. Sarrera doakoa da.
EGITARAUA
![6. Ekaina Dientes de Luna](https://amorebieta-etxano.eus/wp-content/uploads/2024/05/6.-Ekaina.png)
GAUERO+
Arene 6 eta Streetwise
Apirilaren 19an, Zelaietako kontzertu gelan 23:15
Sarrerak dohainik izango dira eta Zornotza Aretoko web orrialdean eskuragai egongo dira. Kontzertuetara joan ahal izateko sarrera izatea derrigorrezkoa da.
Arene 6 eta Streetwise taldeak Punk-Oi! eta Rock & Roll estiloan oinarritzen diren arren, bakoitzak bere estilo propioa bilatzen du abesti bakoitzean. Streetwise talde Iruindarrak 2019an aurkeztu zuen lehen lana, Algortako Arene 6 taldeak, aldiz, urte berean ekin zion lanari, baina 2021era arte ez zuen "Errautsetatik" lehen lana aurkeztu. 2023an bideak elkartu eta lau abestiz osatutako Split 12” izeneko lana aurkeztu zuten.
![Gauero+ Dientes de Luna](https://amorebieta-etxano.eus/wp-content/uploads/2024/03/Gauero-Arene6-eta-Streetwise.png)